Upang kilalanin ang husay at dedikasyon ng mga kabataang mamamahayag, ginanap ng The Intervenor ang 3rd School-based Press Conference (SBPC) Awarding Ceremony noong Setyembre 18 sa Activity Hall ng Colegio de San Gabriel Arcangel, Inc. (CDSGA) Main Campus.

Dumalo sa seremonya ang mga student journalist mula sa ibaโ€™t ibang programa at student publication upang kilalanin ang kanilang mga ambag at tagumpay sa larangan ng campus journalism.

Itinampok sa programa ang mga mamamahayag na nagpakita ng dedikasyon sa paghahatid ng makabuluhan, napapanahon, at responsableng impormasyon sa kanilang kapwa mag-aaral at komunidad. Naging pagkakataon din ito upang kilalanin ang kanilang pagsisikap sa pagsusulat at pagbabahagi ng mga kuwentong mahalaga sa akademikong komunidad.

Sa pamamagitan ng 3rd SBPC Awarding Ceremony, binigyang-diin ang patuloy na papel ng campus journalism bilang daluyan ng impormasyon at boses ng mga mag-aaral, habang hinihikayat ang mga kabataang mamamahayag na isulong ang katumpakan, pananagutan, at integridad sa kanilang mga akda.